Almatynyń bas sanıtar dárigeri 3 jáne 4 synyptaǵylardyń qashan oqıtynyn aıtty
ALMATY. QazAqparat – Almaty qalasynyń bas memlekettik sanıtar dárigeri Jandarbek Bekshın úshinshi jáne tórtinshi synyp oqýshylary qashan mektep qabyrǵasynda oqı alatyndyǵyn aıtty, dep habarlaıdy QazAqparat tilshisi.
«Bizdiń mindetimiz - jeńildikterdi kezeń-kezeńimen engizý. Endi birinshi jáne ekinshi synyptar mektepterde oqı alady. Qyrkúıek aıynyń ortasynda qaladaǵy epıdemıologııalyq jaǵdaıdy baqylaımyz, soǵan qaraı qosymsha jeńildikter engizemiz. Sol kezde 3-4 synyp oqýshylaryna qatysty máselelerdi de qarastyramyz», - dedi Jandarbek Bekshın.
Sonymen qatar ol ata-analardyń balalarynyń mektepte bilim alǵanyn qalaıtynyn atap ótti.
«Mende balalardyń mektep partasynda otyryp oqyǵanyn quptaımyn. Alaıda, koronavırýs ınfektsııasynyń qaýpin eskerýimiz qajet. Sondyqtan ata-analardy bul sheshimge túsinistikpen qaraýǵa shaqyramyn», - dep qorytyndylady Jandarbek Bekshın.
