Almatynyń bas ımamy jıyndar men toılardy ýaqytsha ótkizbeýge keńes berdi

ALMATY. QazAqparat – Almaty qalasynyń bas ımamy halyqqa dinı joralǵylar boıynsha ótetin jıyndar men toılardy ýaqytsha toqtatýǵa keńes berdi, dep habarlaıdy QazAqparat tilshisi.

«Saqtansań – Qudaı saqtaıdy. Adam kóp shoǵyrlanatyn jerlerge barmaǵan durys. Dástúrli sharalarymyzdy da múmkindik bolsa keıinge qaldyrǵanymyz jón. Toı, as, qonaq asy, sadaqalarymyz bar, oǵan sharıǵat eshqandaı tıym salmaıdy. 40 kúnine berilmese de, osy jaǵdaıǵa baılanysty keıin berse Allanyń quzyrynda ol qabyl bolady. Sondyqtan, menińshe, azamattar buǵan qulaq asý kerek»,– dedi Almaty qalasynyń bas ımamy Erkinbek Shoqaı koronavırýs taqyrybyna arnalǵan brıfıng barysynda.

Sondaı - aq, ol koronavırýs indetiniń taralýy barsha álemdi alańdatyp otyrǵan basty másele ekenin atap ótti.

Buǵan deıin, óńirlik provızorlyq statsıonardyń 1 A sanatyna – 131 azamat, 1 V boıynsha – 119 adam, 2-kategorııa boıynsha - 955 jáne 3-kategorııa boıynsha 1632 adam baqylaýǵa alynǵany týraly jazǵan bolatynbyz.