Almatynyń barlyq aýdanynda ánuran bir ýaqytta shyrqalady
ALMATY. QazAqparat - Qazaqstan Memlekettik rámizder kúnine oraı qalanyń barlyq aýdanynda elimizdiń ánurany bir mezgilde qosylady, dep habarlaıdy QazAqparat tilshisi.
Almaty qalasy ákimdiginiń habarlaýynsha, búgin túski saǵat 13.00-de Almatynyń barlyq aýdanynda memlekettik ánurandy qosý jáne oryndaý úshin fleshmob ótedi.
Ákimdik megapolıs turǵyndary men qonaqtaryn osy aktsııaǵa qosylyp, ánuran shyrqalǵan kezde barlyq tártip erejelerin saqtaı otyryp, memlekettik gımndi oryndaýǵa shaqyrady.
Qala turǵyndary memlekettik ánurandy saıabaqtar men skverler, jaıaý júrginshiler kósheleri, metro stantsııalary men vagondar aýmaǵynda, SOSO, «Medeý» bıik taýly kesheni men «Shymbulaq» kýrorty, sondaı-aq «Kóktóbe» saıabaǵynda tyńdaı alady.
Aktsııanyń maqsaty – azamattyq pen patrıottyqqa, óz Otany – Qazaqstan Respýblıkasyna degen súıispenshilikke tárbıeleý, eldiń memlekettik rámizderine degen qurmetti qalyptastyrý, sondaı-aq olardyń mán-mańyzyn túsiný.
