Almatynyń «baraholkasyndaǵy» órt áýeden sóndirilip jatyr
ALMATY. QazAqparat- Bazardaǵy órtti sóndirýge QR ІІM Tótenshe jaǵdaılar komıtetiniń avıatsııasy kóterildi, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń habarlaýynsha, oqıǵa ornynda jeke quramnyń 64 qyzmetkeri, 20 tehnıka men «Almaty tazalyq» kásipornynyń sýarýshy jáne Jasyl ekonomıka basqarmasynyń 15 sý tasymaldaıtyn kólikteri tartyldy. «Qazavıaqutqarý» AQ-nyń KA-32 jáne PD 13 tehnıkasy jumyldyryldy.
«Bul órttiń «Mızam» bazaryna qatysy joq, bazarlardyń arasynda kóterme saqtaý qoımalarynyń jeke aýmaǵy bar. Sol konteınerler janyp jatyr. Qyzyl jalynnyń, qoımalardyń ońtústik jaǵyna taralý qaýipi saqtalyp otyr. Sondyqtan temperatýra joǵary, ázirge órt sharpyǵan aýdandy anyqtaý múmkin emes», - dep habarlady TJM.
