Almatynyń aınalasyna blokpostar qoıylyp, qalany áskerı tehnıka kúzetip tur - feık

ALMATY. QazAqparat - Qaznet qoldanýshylary Almaty mańynda áskerı tehnıkamen qorǵalatyn blokpostar qoıylatyny týraly habar taratyp jatyr, dep habarlaıdy Stopfake.kz.

Buǵan dálel retinde bronetransporterlerdi tasymaldaý barysy túsirilgen beınerolık usynylyp otyr. Bul jaǵdaıǵa qatysty QR Qorǵanys mınıstrligi túsinikteme berdi.

Qazirgi ýaqytta Almatynyń aınalasynda blokpostar joq. Vıdeoǵa túsirilgen áskerı tehnıkanyń karantın shekteýlerine eshqandaı qatysy joq.

– Bul 5 tamyzda bolǵan. Tehnıkany Almatydaǵy Gvardeısk qalasynan josparly jóndeý jumystarynan keıin áskerı bólimge turaqty ornalastyrý ornyna alyp keldi, – dep habarlady QR Qorǵanys mınıstrliginiń baspasóz qyzmetinen.

Qazaqstandyqtar qalalardy jabý týraly qaýesetti buǵan deıin de taratqan. Mundaı feıkterdi biz buǵan deıin de joqqa shyǵarǵan bolatynbyz.