Almatynyń áıelder gandbol klýby Azııa chempıony atandy
ALMATY. QazAqparat -Almatyda áıelder klýbtyq komandalary arasynda gandboldan úshinshi Azııa chempıonaty aıaqtaldy, dep habarlaıdy QazAqparat qalanyń sporttyq HAB-yna silteme jasap.
«Dostyq» sport kesheninde 3-9 qazan aralyǵynda ótken oıyndarda Qazaqstan, Iran, Úndistan jáne Ózbekstan elderiniń 6 komandasy baq synady.
Tartysty ári qyzyqty ótken chempıonattyń nátıjesinde Almaty qyzdar gandbol klýby eń joǵary 10 upaıdy jınap, birinshi orynǵa ıe boldy. Ekinshi jáne úshinshi oryndarǵa qyzylordalyq «Qaısar» men «Astana» komandalary jaıǵasty.
«Aldymen Almaty qalasy Dene shynyqtyrý jáne sport basqarmasy jáne Qazaqstan gandbol federatsııasyna osyndaı meıram úshin alǵys bildirgim keledi. Biz aldyn ala chempıon bolyp, barlyq 5 oıynda jeńiske jettik. Oıynshylar meniń nusqalarymdy oryndap, komandalyq oıyn kórsete bildi. Sondaı-aq, kelip bizge qoldaý kórsetken jankúıerlerimizge de alǵysym sheksiz. Endi alda bizdi el chempıonaty kútip tur», - dedi «Almaty» komandasynyń jattyqtyrýshysy Arsen Berdibekov.
Barlyq jeńimpazdar men júldegerler kýbok jáne medaldarmen marapattalyp, qatysýshylarǵa syılyqtar men sertıfıkattar taratyldy.
