Almatynyń Áýezov aýdanynda jóndeý jumystaryna baılanysty sýyq sý berý toqtatylady

ALMATY. QazAqparat - Almatyda sý jelisin qalpyna keltirý jumystaryna baılanysty birqatar yqshamaýdandarda birneshe saǵatqa sýyq sý óshiriledi. Bul týraly búgin «Almaty sý Holdıngi» memlekettik kásipornynyń baspasóz qyzmetinen habarlady.

«Almaty qalasynyń Áýezov aýdanynda ornalasqan № 1, 2, 3, 4, 5, 6, 7, 8, 9, 10, 10-A, 11, 12-shi yqsham aýdandaryndaǵy turǵyn úıler men basqa da nysandarda aldaǵy 26 mamyrda tańǵy saǵat 09:00-den 21:00-ge deıin sýyq sý óshiriledi. Bul, sýmen qamtý jelisine D=600 mm, D=500 mm ı D=400 mm jańa magıstraldyq sýtaratqyshtardy qosý boıynsha atqarylyp jatqan josparly jumystarǵa baılanysty bolyp otyr», - delingen habarlamada.

Deıturǵanmen, sýyq sý óshirilgen ýaqyt aralyǵynda atalǵan aýmaqtaǵy densaýlyq saqtaý jáne bilim berý nysandary sý tasýshy kólikter arqyly aýyz sýmen qamtamasyz etiletin bolady.