Almatynyń Áýezov aýdanynda jas analardy quttyqtady
ALMATY. 8 naýryz. QazAqparat. /Danııar Sıqymbaev/ - Búgin Áýezov aýdanynyń ákimi Bekqalı Torǵaev mereke kúni bosanǵan áıelderdi quttyqtaý úshin №5 perzenthanada boldy.
Perzenthanaǵa ákim kelgen ýaqytqa deıin 8 naýryz kúngi tańerteńnen beri alty áıel bosanǵan. Dúnıege úsh ul, úsh qyz bala keldi. Dárigerler taǵy 8 balanyń dúnıege kelýin kútýde. Ákim B.Torǵaev analarǵa gúlder men jańa týylǵandarǵa arnalǵan konvertter syılady.
Bul perzenthana Almatydaǵy eń irisi. Jyl basynan beri bunda 1000-nan astam bala dúnıege keldi. Áýezov aýdany qalanyń eń úlken jáne turǵyndary kóp aýdandarynyń biri.
