Almatynyń Áýezov aýdanynda jańa oqý jylynda 1200 oryndyq mektep ashylady
ALMATY. QazAqparat – Qala ákimi Baqytjan Saǵyntaev Áýezov aýdanynyń turǵyndarymen kezdesip, balabaqsha men mektepterdegi oryn tapshylyǵy, abattandyrý jáne jumys oryndarymen qamtamasyz etý jónindegi ótinishterin tyńdap ony sheshý joldaryn qarastyrdy, dep habarlaıdy QazAqparat tilshisi.
Áýezov aýdanynyń turǵyndary kótergen eń ózekti máseleniń biri – mektepterdegi oryn tapshylyǵy. Búgingi kúni aýdanda 5365 oryn jetispeıdi. Qazir 6 myńǵa jýyq adam turatyn «Mamyr» yqshamaýdanynda 1200 oryndyq mektep salynyp jatyr. Qurylys alańyn aralap kórgen Baqytjan Saǵyntaev qoldanylatyn qurylys materıaldarynyń sapasyn qatań baqylaýǵa alýdy tapsyrdy.
Sonymen qatar, jańa oqý jylynda «Aqsaı-3a» yqshamaýdanyndaǵy №123 mektep janyndaǵy 400 oryndyq qosalqy nysandy paıdalanýǵa berý josparlanǵan.
Budan bólek, aǵymdaǵy jyly bes mektep janynan jalpy syıymdylyǵy 3550 oryndyq qosalqy nysandardyń qurylystary bastalady. Osylaısha, Áýezov aýdanynda mektepterdegi oryn tapshylyǵy is júzinde oń sheshimin tabatyn bolady.
«Jalpy, qala boıynsha mektepterde 30 myń oryn jetispeıdi. Halyqtyń sany ósýine oraı keler oqý jylynda bul kórsetkish eki esege artatyn bolady. Sondyqtan 2020-2021 jyldary 16 jańa mektep jáne 23 qosalqy nysan salý josparlanǵan, bularda shamamen 47,5 myń oryn bolady. ıAǵnı, oqýshy ornynyń tapshylyǵy 80 paıyzǵa qysqarady. Qurylys JQJK, MJÁ baǵdarlamalary men jobalary jáne bıznestiń áleýmettik jaýapkershiligi boıynsha ári jeke kásipkerlikti yntalandyrý arqasynda qarqyndy júrýde»,– dedi qala ákimi.
Aıta keteıik, balabaqshalardaǵy oryn tapshylyǵy máselesin sheshýge turǵyn keshenderin salýmen aınalysatyn kásipkerler kómektesýde.
Almaty qalasy ákiminiń tapsyrmasy boıynsha turǵyn úı keshenin salý kezinde áleýmettik nysandar úshin oryndar bólý mindetti túrde qarastyrylýy tıis. Bul bilim berýdiń qalalyq mekemelerine túsetin júktemeni azaıtýǵa septigin tıgizedi. Máselen «Úsh suńqar» TK «Aqsaı-5» yqshamaýdanynda qurylys salyp jatqan kompanııa 115 oryndyq balabaqsha úshin arnaıy oryn bóldi.
Búgingi kúni Áýezov aýdanynda 16584 balany qamtıtyn 46 memlekettik jáne 122 jeke balabaqsha bar. Memlekettik tapsyrys boıynsha 63 jeke balabaqsha jumys isteıdi. 2019 jyly memlekettik (120 oryndy) jáne 25 jeke (400 oryndy) mektepke deıingi mekeme paıdalanýǵa berilgen bolatyn.
2020 jyly toǵyz jeke balabaqsha ashý josparlanǵan, búgingi kúni olardyń 178 oryndyq úsheýi ashyldy.
