Almatynyń Áýezov aýdanynda magıstraldy sý taratqyshtaǵy apat joıyldy

ALMATY. QazAqparat - Almatynyń Áýezov aýdanynda magıstraldy sý taratqyshtaǵy apat joıyldy. Bul týraly Almatynyń jylý-energııa kesheni kásiporny men TKSh resmı ókili ıAn Gırın habarlady.

«Magıstral tolyq qalpyna keltirildi.  Saǵat 12.15-te sýdy tarata bastady. Qysym normaǵa sáıkes. Bir saǵat ishinde tutynýshylardyń barlyǵy sýmen qamtylady. Magıstraldaǵy apattyń týý sebepterin arnaıy qurylǵan komıssııa anyqtap jatyr», - dedi ıAn Gırın.

Eske sala keteıik, beısenbi kúni Áýezov aýdanynda,  №8 shaǵyn aýdanynda dıametri 600 mm quraıtyn sýyq sý ótetin qubyr jarylyp, jańadan salynyp jatqan nysandardyń biriniń jertólesin ishinara jáne qurylys shuńqyryn sý basty. Osylaısha 1, 2, 3, 4, 7, 8, 9 jáne 10 shaǵyn aýdandaryndaǵy tutynýshylarǵa sýyq sý jetkizý ýaqytsha toqtatylǵan bolatyn.