Almatynyń Áýezov aýdanynda halyqqa qyzmet kórsetýdiń jańa ortalyǵy ashyldy

Ortalyq bir aýysymda 1200 adamǵa qyzmet kórsete alady. Kezek elektrondy kórsetkish arqyly júzege asady, kútip otyratyndar úshin 218 oryndyq ta arnaıy qarastyrylǵan. Ortalyqta notarıýstiń, fotograftyń, qujattardy jınaqtaýdyń, serverlik býfettiń, banktiń bólmeleri bar. Ekinshi qabatta dırektordyń kabıneti, býhgalterııa, 35 oryndy konferents-zal, qazaq tilin úıretetin muǵalimniń, psıhologtyń kabınetteri, Ádilet muraǵaty, Ádilet kabıneti ornalasqan. Múgedek jandarǵa qyzmet kórsetetin arnaıy 4 tereze de oılastyrylǵan. Ortalyqta barlyǵy 148 adam jumys isteıdi.

Jańa ortalyqtyń ashylýyna Almaty ákimi Ahmetjan Esimov arnaıy qatysty. Ol ashylý rásiminde halyqqa qyzmet kórsetý sapasynyń barynsha joǵary bolýy tıis ekendigin atap kórsetti.