Almatynyń aýa raıy aqpannyń sońyna deıin qubylmaly bolady
ALMATY. QazAqparat - Almatyda aqpan aıynyń sońyna deıin aýa-raıynyń qubylmalylyǵy, qar aralas jaýyn-shashynnyń túsýi, aıaz, tuman, kóktaıǵaq kútilýde, dep habarlaıdy QazAqparat tilshisi.
Osyǵan baılanysty Almaty qalasynyń tótenshe jaǵdaılar departamenti almatylyqtarǵa jolda muqııat bolýǵa shaqyrdy.
«112 sms habarlamalaryna muqııat qaraýdy, avtokólik júrgizý kezinde saqtyq sharalaryn saqtaýdy, jyldamdyqty azaıtýdy, qashyqtyqty saqtaýdy, kenetten manevrler men tejelýlerden aýlaq bolýdy suraımyz.
Joldyń júrý bóliginde jáne trotýarlarda kóktaıǵaq paıda bolǵanda jaıaý júrginshiler saq bolý kerek, ásirese baspaldaqtardan tómen túsý jáne kóterilý kezinde.
Qymbatty Almatylyqtar – sál shydamdylyq tanytaıyq, jaqyn arada bizdiń súıikti qalamyzda kópten kútken uzaq jáne jyly kezeń bolatynyn umytpańyzdar!
Jaqyndaryńyzben jáne óz densaýlyqtaryńyzǵa abaı bolyńyzda», - delingen habarlamada.
