Almatynyń «Arbatynda» adam pyshaqtaǵan jigit sottaldy
ALMATY. QazAqparat – Almaty qalasyndaǵy «Arbat» alańynda adam pyshaqtaǵan kúdiktige qatysty sot úkimi shyǵaryldy, dep habarlaıdy QazAqparat tilshisi qalalyq sottyń baspasóz qyzmetine silteme jasap.
Qylmystyq is Almaly aýdandyq sotynda qaraldy.
Іs materıaldaryna sáıkes 2019 jyldyń maýsymynda «Arbat» alańynda top bolyp turǵan jastar arasynda sóz daýy paıda bolǵan.
Kúdikti jábirlenýshimen eregesip qalyp, qaıta aınalyp kelip oǵan pyshaq salǵan.
Sonyń kesirinen jábirlenýshiniń keýde qýysy kóketi jaraqattalyp, baýyrynyń sol jaq bóligi tilinip ketken. Ol birneshe apta aýrýhanada jatty.
Sottalýshy óziniń is-áreketin moınyna alyp, istegenine ókinish bildirdi.
Sýdıa ony QR Qylmystyq kodeksiniń 106-baby 2-bólimi boıynsha aıypty dep taýyp, 6 jylǵa bas bostandyǵynan aıyrý týraly úkim shyǵardy.
