Almatynyń ár túrli jerlerinen qarý tárkilendi- ІІM

ALMATY. QazAqparat - 7 qańtar tústen keıin ál-Farabı jáne kishi jeltoqsan dańǵyldarynyń qıylysynda polıtseıler qarýly adamdar minip júrgen «BMV» markaly avtokólikti bógedi. Onyń salonynda 1990 jáne 1998 jyly týǵan eki er adam boldy. Olardy tekserý kezinde tapansha men pyshaq tabyldy. Bul týraly QazAqparat ІІM silteme jasap habarlaıdy.

Qalanyń Medeý aýdanynda polıtsııa qyzmetkerleri qarýly qaskúnemderdiń taǵy bir tobyn ustady.

Qyraǵy azamattardyń habarlaýy boıynsha qarýly adamdar jasyrynǵan páter anyqtaldy.

Arnaıy operatsııa barysynda bes er adam ustaldy. Olardan patrondary bar «aqbóken» ańshylyq karabıni, rezeńke jáne metall taıaqshalar, benzıni bar eki bes lıtrlik ydys, altyn buıymdar tárkilendi.

Eki fakti de sotqa deıingi tergep-tekserýdiń biryńǵaı tiziliminde tirkelgen, onyń barysynda alyp qoıylǵan qarý men zattardyń tıesililigi anyqtalatyn bolady.

Kúdiktiler qamaýǵa alyndy.