Almatynyń aptabynda zoobaq janýarlary qalaı tirshilik etýde
ALMATY. QazAqparat - Almatyda aptap ystyqtyń qaıtpaı turǵanyna birneshe apta boldy. Kúndiz aýa temperatýrasy +39 gradýsqa deıin jetedi. Qolaısyz aýa raıynda zoobaq janýarlary qalaı tirshilik etip jatqanyn QazAqparat tilshisi bilip qaıtty.
Zoobaq qyzmetkerleri janýarlardy ystyqtan qorǵaýdyń bar amalyn jasap jatyr. Janýarlarǵa muzdatylǵan tamaq, sýyq sý berýde. Sonymen qatar, olar úshin kóleńkeli saıaly oryndar jasalǵan.
Mamandardyń aıtýynsha, Soltústik muzdy muhıtynan kelgen janýarlardan bólek ystyq aımaqta ómir súretin janýarlar da aptap ystyqtan az zardap shekpeıdi.
Jabaıy tabıǵat aıasynda arystandar ýaqytyn baobab kóleńkesinde 20 saǵattan astam uıyqtaýmen ótkizedi. Leopardtar da aǵash butaqtaryna shyǵyp alyp uıyqtaıdy.
«Mysyqtuqymdastar sýdy asa unata bermeıdi. Tipti ystyq kezde de sýǵa aıaqtaryn salmaýǵa tyrysady. Al zoobaqta biz volerlerdi dymqyldap turamyz. Pilder bolsa jıi dýsh qabyldap turady. Al sýsıyrlar múlde sýdan shyqpaıdy»,- dedi zoobaq qyzmetkeri Mıhaıl Sorokoýmov.
Tarǵyl gıenalar óz volerlerinde in qazyp alyp, ystyqta úńgirlerin panalap júr.Al Alkor esimdi aq aıý dyń voleri byltyr qaıta jasalǵan bolatyn. Qazir onyń volerinde kondıtsıoner qosýly.
Sondaı-aq, janýarlar úshin arnaıy salqyndatylǵan basseın bar.
