Almatynyń aptaby shańdy boranǵa ulasty
ALMATY. QazAqparat - Almatyda shaqyraıǵan ystyq kún shańdy boranǵa aýysty, dep habarlaıdy QazAqparat tilshisi.
Tabıǵattyń tosyn minezin qala turǵyndary áleýmettik jelige jarııalap jatyr.
Saǵat 16:00-der shamasynda qalanyń tómengi bóligin qalyń qara bult basyp, jaýyn quıdy. Qalanyń joǵarǵy bóliginde qoıý bult az ýaqytqa úıirilip, keıin qaıtadan seıilip ketti.
Alataý aýdanyndaǵy Momyshuly kóshesinde qala turǵyndary shańnyń astynda qaldy. Sonymen qatar, kóshede qańbaqtardyń kóshkini júrdi.
«Kazgıdromet» RMK búgingi aýa temperatýrasy 22 gradýs bolatynyn, naızaǵaı oınap, jańbyr jaýatynyn boljaǵan bolatyn.
Al mamandardyń boljaýynsha, naǵyz aptap ystyq tamyzdyń basynda bolmaq. Aýa temperatýrasy 43 gradýsqa deıin kóterilmek.
