Almatynyń alty bazary jańarady
ALMATY. QazAqparat - 2020 jyly Almatynyń alty bazary modernızatsııadan ótedi. Bul týraly qalalyq kásipkerlik jáne ınvestıtsııalar basqarmasynyń basshysy Erkebulan Orazalın málimdedi, dep habarlaıdy QazAqparat tilshisi.
Onyń aıtýynsha, qaladaǵy bes bazarǵa qaıta qalpyna keltirý jumystary júrgiziledi, bul jobalar qazirdiń ózinde maquldanǵan.
Atap aıtar bolsaq , «Sary-Arqa», «Aqsaı-4» yqsham aýdanyndaǵy «Arystan», Tóle bı kóshesindegi «Tulpar», «Bereke» bazary, sondaı-aq Soltústik aınalma jolynyń boıyndaǵy «Úshqońyr» men «Ójet» bazarlary modernızatsııadan ótedi.
Ázirge «Jibek joly» avtokólik bazary ıeleriniń jobasyn bılik tarapy maquldaǵan joq.
Buǵan deıin, Erkebulan Orazalın Nıkolskıı bazarynyń ıeleri turǵyn úı salatynyn aıtqan bolatyn.
Keıin Almaty qalalyq josparlaý jáne ýrbanıstıka basqarmasy Nıkolskıı bazarynyń ornyna salynatyn turǵyn úı kesheniniń qurylysyna qatysty túsinikteme berdi.
