Almatynyń Almaly aýdanynda qarashaǵa deıin taǵy 10 kóshe jóndeledi
ALMATY. QazAqparat – Almaty qalasynyń Almaly aýdanynda qarasha aıyna deıin 10 kóshe jóndeledi. Bul týraly shahar ákimi Erbolat Dosaev aýdan turǵyndarymen kezdesýde aıtty, dep habarlaıdy QazAqparat tilshisi.
Qala basshysynyń sózinshe, aýdanda 8 kóshege ortasha jóndeý jumystary júrgizildi. Sondaı-aq jalpy uzyndyǵy 1,3 shaqyrym bolatyn trotýar jelisine jóndeý jáne qurylys jumystary júrgizildi.
«Qarashaǵa deıin jalpy uzyndyǵy 10,2 km bolatyn taǵy 10 kósheni qosymsha ortasha jóndeýmen qamtımyz»,- dedi ol.
Sondaı-aq E.Dosaev atap ótkendeı, Almaly aýdany turǵyndarynyń ótinishi boıynsha 11 tamyzdan bastap Tilendıev pen Brýsılovskıı kósheleriniń aralyǵyndaǵy Esenjanov pen Shákárim kóshelerinde birjaqty qozǵalys engizildi. Bul atalǵan ýchaskede konflıktili jaǵdaılar men keptelisterdi boldyrmaýǵa, jaıaý júrginshilerdiń qaýipsizdigin qamtamasyz etýge yqpal etedi.
