Almatynyń Almaly aýdanynda 50 jyljymaly mobıldi top uıymdastyryldy

Aýdan ákimi Serik Qusaıynovtyń aıtýynsha, vaktsına alý úshin barlyq jaǵdaı jasalǵan. Egý pýnktteri turǵyndardyń turǵylyqty jerlerine jaqyn, qoljetimdi jerde ornalasqan, úzilissiz jáne demalyssyz saǵat tańǵy 8:00-den keshki saǵat 20:00-ge deıin jumys isteıdi.

Aýdanda myna emhanalarǵa baryp, vaktsına saldyrýǵa bolady:

1) № 3 qalalyq emhana (Rozybaqıev kóshesi, 74);

2) № 8 qalalyq emhana (Túrkebaev kóshesi, 40);

3) № 5 qalalyq emhana (M. Maqataev kóshesi, 141/77);

4) № 30 qalalyq emhana (Jibek joly kóshesi 128/23);

5) UOS qalalyq emhanasy (Amangeldi kóshesi 41);

6) Almaly aýdanynyń MSAK ortalyǵy (Tóle bı kóshesi, 157);

7) «Ortalyq otbasylyq emhana» JShS (Tóle bı kóshesi, 249);

8) «Kerýen-Medicus» JShS (Á. Sháripov kóshesi, 62);

9) «Makıza» JShS (Turǵyt Ozal kóshesi, 103);

10) «Respýblıkalyq otbasylyq-dárigerlik ortalyq» JShS (Áıteke bı kóshesi, 83);

11) «Ortalyq klınıkalyq aýrýhana» AQ (Shevchenko kóshesi, 59);

12) «S. J. Asfendııarov atyndaǵy QazUMÝ» KEAQ (Shevchenko kóshesi, 126);

Nemese qoǵamdyq oryndarda qosymsha 3 egý pýnktinen alýǵa bolady, olar:

1) Seıfýllın dańǵyly «MEGA Park» SOO

2) «Almaly» ortalyǵy, Tóle bı kóshesi, 160

3) №58 mektep gımnazııasy, Turǵyt Ozal k-si, 30

Aýdan basshysy ekpe alýǵa keletinderdiń, onyń ishinde Almaty oblysy turǵyndary men qalada jumys isteıtinderdiń jeke kýálikteri bolýy qajet ekenin eske saldy.

Sonymen qatar, vaktsınalaý protsesine iri kásiporyndardyń qyzmetkerleri belsendi kiristi. Sondyqtan aýdannyń 6 emhanasynda 50 jyljymaly mobıldi top ekpe salýǵa jumyldyryldy. Almaty jylý jelileri, «Almatyqommýnenergo», «AlmatyEnergoSbyt» jáne «Evrazıan Fýds» korporeıshn jáne «Dastarhan» JShS jumysshylary óz erikterimen vaktsınalandy.

Eger kásiporynda bir mezgilde vaktsınatsııadan ótýdi qalaıtyn keminde 50 qyzmetker bolsa, onda olarǵa medıtsınalyq uıymnan jyljymaly mobıldi brıgada jiberiledi.

«Mobıldi top eki bólimnen turady. Onyń quramyna ýchaskelik dáriger (terapevt, pedıatr, jalpy tájirıbe dárigeri) nemese ýchaskelik medbıke, feldsher, akýsher, patsıentke úıde qyzmet kórsetý kezinde atqaratyn qyzmetine baılanysty densaýlyq saqtaý salasyndaǵy áleýmettik qyzmetker kiredi»,- dedi Almaly aýdanynyń ákimi Serik Qusaıynov.

Mobıldi toptyń jumys ýaqyty saǵat 08.00-den 18.00-ge deıin.

Aıta keterligi,15 vaktsınalaý pýnkti kúnine 4 myńnan astaǵa ekpe salýda.

Almaly aýdany boıynsha 1 sáýirden bastap barlyǵy 34 500 adam vaktsınalandy, 185 722 adamǵa ekpe salý josparlanǵan.