Almatynyń «Alǵabas» shaǵyn aýdanynyń turǵyndary aýyz sýsyz qalýy múmkin

ALMATY. QazAqparat - «Alǵabas» shaǵyn aýdanynda ornalasqan 50 úı birinshi tamyzdan bastap sýsyz qalýy múmkin. Bul týraly aýdan turǵyny Erbolat Dosaevpen kezdesý barysynda aıtty, dep habarlaıdy QazAqparat tilshisi.

Almaty ákimimen kezdesýge kelgen Alataý aýdany turǵyndarynyń biri «Alǵabas» yqsham aýdanynda káriz jelisi júrgizilmegenin aıtyp shaǵymdandy.
«Bizdiń aýdanda birde-bir káriz jelisi ótken joq. Keshe bizge páter ıeleri kooperatıviniń tóraǵasy kelip 1 tamyzdan bastap sýdy óshiretini týraly aıtty. Bul shamamen 50 úı. Aıtýynsha, oǵan sorǵy úshin 350 myń teńge tóleý tıimsiz. Olar sýdy qandaı negizde óshiredi? Biz kárizdiń tartylmaǵanyna kináli emespiz ǵoı»,- deıdi aýdan turǵyny.
Erbolat Dosaev kelesi jyly káriz jelileri salynatynyn jetkizdi.
«Kelesi jyly biz jelilerdi salamyz, buǵan deıin PIK sizdi sýmen qamtamasyz etedi. Biz sorǵy máselesin sheshemiz. Ákimge tapsyrma beremin»,- dep jaýap berdi shahar basshysy.
Alataý aýdanynyń ákimi «Alǵabas» turǵyndaryn sýmen qamtamasyz etý máselesi baqylaýda ekenin aıtty.
«Alǵabastaǵy jaǵdaıǵa keletin bolsaq, Rysqulovtyń oń jaǵy-ol qurylystyń úshinshi jobasyna engizilgen, maýsym aıynda jumystar bastalǵan. Bul jaǵyn kelesi jyly qazyp alamyz. PIK-pen sóıleseıik, 1 tamyzdan bastap eshkim sýdy óshirmeıdi. Men bul máseleni sheshemin»,- dedi Alataý aýdanynyń ákimi Azamat Qaldybekov.