Almatynyń áleýmettik nysandary jylý berý maýsymyna daıyn - keńes
ALMATY. 29 qyrkúıek. QazAqparat /Názıra Eleýhan/ -Qazirgi kezde Almaty qalasynyń densaýlyq saqtaý nysandarynyń jylý berý maýsymyna daıyndyǵy - 99%-dy, bilim júıeleriniń daıyndyǵy 95%-dy quraıdy. Bul týraly búgin Almatyda qala ákimi Ahmetjan Esimovtyń tóraǵalyq etýimen 2011-2012 jyldarǵy jylý berý maýsymyna qala sharýashylyqtarynyń daıyndyǵyna qatysty jumys keńesi barysynda aıtyldy.
Keńeste: «Energokeshenniń kásiporyndary 2011 jyldyń jóndeý jumystaryn ýaqtyly bastap, belgilengen keste boıynsha júrgizip keledi. «AlES», «Teplokommýnenergo» sııaqty energııa kózderindegi josparly jóndeý jumystary da bekitilgen kestege saı júzege asýda. Jylý júıelerin retke keltirý jumystary jylý maýsymy aıaqtalǵan kezde- aq qolǵa alyndy. Al sý qubyrlarynyń jelilerin jóndeý de kestege saı atqarylýda», -dep atap ótildi.
Bunymen qatar, TETs-1-di tabıǵı gazǵa kóshirý aıaqtalyp qalǵandyǵy aıtyldy. Bıyl Almatyda jeke sektordy gazben tolyq qamtamasyz etýde úlken jumystar júrip jatyr. Alataý, Medeý jáne Bostandyq aýdandaryna gaz jelileri tartylýda.
Jıyn sońynda keńesti qorytyndylaǵan qala ákimi Ahmetjan Esimov birqatar tapsyrmalar berdi. «Aýdan ákimdikteri JPIK-men birige otyryp, ár turǵyn úıdiń qysqy maýsymǵa daıyndyǵyn anyqtaýlary tıis. Budan ózge, olar kommýnaldyq qyzmet qaryzdaryn joıýdy qamtamasyz etýge mindetti. Bilim jáne Densaýlyq saqtaý basqarmalary aýdan ákimderimen birge emdeý jáne bilim berý oryndaryn qysqy maýsymǵa daıyndap, avtonomdy jylý kózderin otyn rezervterimen tolyq qamtamasyz etýleri qajet. «Samruqenergo»Almaty metropolıteni úshin salynyp jatqan podstantsııany ýaqtyly paıdalanýǵa berýi tıis, al, «AlES» energııa kózin jylý maýsymyna daıyndaýy tıis. «Kaztransgaz» qalany qajetti mólsherde tabıǵı gazben úzdiksiz qamtamasyz etetin bolsyn», - dedi qala basshysy.
