Almatynyń Alataý aýdanyndaǵy jańa HQKO kúnine 1,5 myń adamǵa qyzmet kórsetetin bolady
ALMATY. QazAqparat - Almatyda Alataý aýdandyq HQKO Ýnıversıada oıyndary bitken soń jańa ǵımaratqa kóshedi. Ol atletıkalyq aýylda aýdany 1260 sharshy metr bolatyn qosqabatty ǵımaratta ornalaspaq, dep habarlaıdy QazAqparat.
Birinshi qabatta kelýshiler Connection Point bóliminde 5 termınal arqyly qajetti qyzmetti ózderi jasaı alady. Munda kútý zaly, balalar alańy, keńes berýshiler otyrady.
Ekinshi qabatta operatsııalyq bólimder men Alataý aýdanynyń kóshi-qon polıtsııasynyń bólimi jaıǵaspaq.
Qazirgi tańda Alataý aýdanynyń HQKO 700 sharshy metr bolatyn ǵımaratta otyr. Mekeme kúnine 500 adamǵa qyzmet kórsete alady.
2016 jyly ortalyq 800 myńnan asa qyzmet kórsetken.
Mamandardyń aıtýynsha, jańa ǵımarat qyzmet kórsetý jyldamdyǵyn úsh ese arttyrýǵa múmkindik bermek.
