Almatynyń Alataý aýdanyndaǵy apatty úıler turǵyndardyń ótinishi boıynsha buzylady
«Ótken kezdesýde «Zerdeli» shaǵyn aýdanynyń turǵyndary balalarǵa qaýip tóndiretin, salynyp bitpegen eki kópqabatty úıge jáne úılerdiń seısmıkalyq kúsheıtý jumystaryn aıaqtaý qajettiligine qatysty alańdaýshylyq bildirgen edi. Turǵyndardyń ótinishi boıynsha osy jyldyń sońyna deıin aýdandaǵy apatty úılerdi buzý týraly sheshim qabyldandy. Olardyń ornyna jasyl saıabaq aımaǵy men balalar alańyn salýdy kózdep otyrmyz»,- dedi Erbolat Dosaev.
Sonymen qatar, ol bıyl shaǵyn aýdandaǵy 63 úıdiń qasbetteri syrlanatynyn aıtty. Qajetti qarjy bólinip, merdiger uıym anyqtaldy. Jumystar tamyz aıynda bastalady.
«Shaǵyn aýdandaǵy úılerdi jóndeý jumystary júrgizilip, qulaǵaly turǵan úıler máselesi sheshiledi. Búgingi kúni barlyǵy 30 úıdiń 23-i boıynsha nyǵaıtý jumystary aıaqtaldy. Qalǵan 7 úı boıynsha jumystar bıyl jeltoqsan aıyna deıin aıaqtalady»,- dedi qala basshysy.
