Almatynyń Alataý aýdanynda jańa mektep pen aınalma jol salynady
ALMATY. QazAqparat - Almatyda Alataý aýdanyna qarasty «Shańyraq-1» shaǵyn aýdanynda jańa mektep salynady. Bul týraly qala ákimi Erbolat Dosaev málimdedi, dep habarlaıdy QazAqparat tilshisi.
«Biz qazirgi №41 mekteptiń ornyna jańa mektep salamyz. Jer suraǵy boldy, Qorǵanys mınıstrligi ol jerdi gvardııaǵa bergen. Meniń tapsyrmam boıynsha ol jerdi alǵan soń, biz jańa mektepti salamyz», - dedi qala ákimi.
Sondaı-aq, Erbolat Dosaev Alataý aýdanynda bıyl aınalma joldyń qurylysy bastalatynyn habarlady.
«Bizdiń avtobýstar 9-12 metrlik bolǵandyqtan, olardyń jolyn sozýǵa múmkindik joq. Sebebi, kósheler tar, qoǵamdyq kólik kirip shyǵa almaıdy. Qazir Alataý aýdanyna shaǵyn avtobýstardy júrgizý máselesi qaralyp jatyr. Sondaı-aq, aýdan belsendileri tańdaǵan aýmaqta aınalma jol salynady. Qurylysty bıyl bastaımyz. Aınalma jol salynyp bolǵan soń, sizderge 700-800 metrdeı jaqyndyqta 2 marshrýt kiredi»,- dep jaýap berdi turǵyndarǵa Almaty ákimi.
