Almatynyń Alataý aýdanynda salynyp jatqan aryqtar jelisiniń qurylys jumystary bıyl qyrkúıek aıynda aıaqtalady
ALMATY. QazAqparat - Búgin Almatyǵa jumys saparymen kelgen QR Premer-Mınıstri Kárim Másimov Alataý aýdanynda bolyp, aryqtar jelisi men jol salý jumystarynyń barysymen tanysty.
Bıyl Almatyda jıi jaýǵan nóser jaýyndardyń saldarynan, ásirese Alataý aýdanynyń turǵyndary qatty zardap shekken bolatyn. Birqatar kósheler men ondaǵan aýlalar jıi sý astynda qalyp jatty.
Bul jerde «Shańyraq-2» shaǵynaýdanyn da aıtýǵa bolady.
Qazirgi tańda osy shaǵynaýdanda ornalasqan Ysqaqov, Áýlıeaǵash, Jıdeli, Kúnbel, Saryjaz, Jylysaı, Marqakól kóshelerinde jaýyn-shashynǵa jáne selge qarsy qalpyna keltirý jumystaryn júrgizýge bıýdjetten 259,8 mln. teńge bólingen.
Qala ákimi Baýyrjan Baıbektiń aıtýynsha, sý basý jaǵdaılary qalaǵa jańadan qosylǵan jáne qalanyń tómengi jaǵynda ornalasqan aýdandarda jıi bolyp turady.
Óz sózinde Almaty qalalyq Tótenshe jaǵdaılar jónindegi departamentiniń bastyǵy Serik Áýbákirov qazirgi tańda «Shańyraq» shaǵynaýdanynda aryqtar jelisin salý jáne asfalt tóseıtin joldardy daıyndaý jumystary qarqyndy túrde júrgizilip jatqandyǵyn jetkizdi.
«Bul ınfraqurylymdardyń jumystary bıyl qyrkúıek aıynda tolyǵymen aıaqtalady», - dedi ol.
