Almatynyń Alataý aýdanynda bıyl 5 jańa mektep salynady
«Mektepterdegi oryn tapshylyǵyn azaıtý úshin bıyl jyl sońyna deıin Alataý aýdanynda 7 800 oryndyq 5 jańa mektep salynady. Sondaı-aq, biz «Saıaly-2» jáne «Zerdeli» shaǵyn aýdandarynda árqaısysy 550 oryndyq taǵy 2 mekteptiń qurylysyn bastaýdy josparlap otyrmyz. Búgin «Saıaly-2» boıynsha merdiger uıymdy anyqtaý úshin konkýrs jarııalandy. Qurylys jumystary qyrkúıek aıynda bastap, 2023 jyldyń qarasha aıynda aıaqtaý kózdelgen»,- dedi megapolıs basshysy.
Sonymen qatar, ol «Zerdeli» shaǵyn aýdany boıynsha jobalaý-smetalyq qujattama daıyndalyp jatqanyn atap ótti.
«Jumystardy 2023 jyldyń naýryzynda bastap, 2024 jyldyń tamyz aıynda aıaqtaımyz. Bıyl «Saıaly» shaǵyn aýdanynda 160 oryndyq balabaqshanyń qurylysy bastaldy. 2023 jyldyń naýryz aıynda aıaqtaý qarastyrylyp otyr. Qazirgi ýaqytta «Zerdeli» shaǵyn aýdanynda dene shynyqtyrý-saýyqtyrý kesheni salynyp jatyr. 2023 jyldyń naýryz aıynda aıaqtaý josparda»,- dedi Erbolat Dosaev.
Budan bólek, aýdanda kópsalaly ınnovatsııalyq shyǵarmashylyq ortalyq salynyp jatyr. Oǵan 5 myńnan astam bala baratyn bolady. Qurylysy 2023 jyldyń II-shi toqsanynda aıaqtalady.
«Sonymen qatar, Qarasý turǵyndarynyń tilekterin eskere otyryp, men Mádenıet úıiniń ǵımaratyn satyp alý týraly tapsyrma berdim. Qajetti qarjy bólindi, ǵımaratty satyp alý jumystary júrip jatyr. Sosyn jóndeý júrgizý qajet sonyń ishinde demeýshilik qarajat esebinen. Jyldyń sońyna deıin onda keminde 10 shyǵarmashylyq jáne bilim berý sektsııasyn ashamyz jáne kún saıyn 150-ge jýyq búldirshinimiz osy sektsııalarǵa qatysa alady»,- dep túsindirdi ákim.