Almatynyń Alataý aýdanynda 378 altyn alqaly ana turady
ALMATY. Mamyrdyń 17-si. QazAqparat /Erbol Azanbek/ -Almatynyń Alataý aýdanynda kópbalaly analarǵa «Altyn alqa», «Kúmis alqa» tapsyrý sharasy ótti,
dep habarlaıdy QazAqparat.
Shara barysynda aýdan ákimi 13 anaǵa «Altyn alqa», 15 anaǵa « Kúmis alqa» tapsyrdy. Aýdan ákiminiń aıtýynsha, búginde Alataý aýdany qala boıynsha kópbalaly analardyń sany jaǵynan ekinshi orynda. Almaty qalasy boıynsha Áýezov aýdanynda 400 «Altyn alqa» ıegeri bolsa, Alataý aýdanynda 378 «Altyn alqa» ıegeri turady. Batyr analardy quttyqtaǵan aýdan ákimi aýdannyń qazirgi jaǵdaıymen tanystyryp, bolashaq josparlarymen bólisti.
