Almatynyń Alataý aýdanynda 2500 úı zańdastyryldy
ALMATY. Jeltoqsannyń 9-y. QazAqparat /Erbol Azanbek/-Almatynyń Alataý aýdanynda zańsyz salynǵan 2500 úı zańdastyryldy. Bul týraly búgin aýdan ákimi Baǵdat Mánizorov qala ákimi Ahmetjan Esimovtyń qatysýymen ótken aǵash egý sharasy barysynda aıtty,
dep habarlaıdy QazAqparat.
Aýdan ákiminiń aıtýynsha, aýdanda zańsyz salynǵan 4523 úı bar. Onyń zańdastyrylǵanynan bólek 1600-i sý, gaz, elektr stansylary, zırat mańyna ornalasqandyqtan zańdastyrylýǵa jatpaıdy. Bul úılerdiń ıelerine «Saıaly» shaǵyn aýdanynan úı salynyp nemese jer telimderi berilmek.
Aýdan ákimi bunymen qatar áleýmettik mańyzdy jobalardyń oryndalýy týraly da baıandady. Bıylǵy jyly 3 jańa mektep pen 3 balabaqsha ashylǵan. «Jol kartasy» aıasynda aýdanǵa 1 mıllıard 430 mıllıon teńge bólingen. Buǵan 2800 jumys orny ashylyp, 160 kóshe jóndeýden ótken. «Uljan», «Baıbesik», «Shańyraq», «Aqbulaq» shaǵyn aýdandaryna gaz júrgizilgen. «Qazirgi kezde aýdanda zańsyz jer basyp alý tyıyldy», deıdi aýdan ákimi. Búginde aýdanda 158 300 adam turady. Budan bólek 50 myńǵa jýyq páter jaldaýshylar bar. Aýdannyń qazirgi kezde damý jobasy jasalynyp, júzege asyrylýda.
