Almatynyń Alataý aýdanynda 150 myń sharshy metrlik qoljetimdi turǵyn úı kesheni salynady - B. Baıbek
ALMATY. QazAqparat- Almaty qalasynyń Alataý aýdanynda 150 myń sharshy metrlik qoljetimdi jańa turǵyn úı kesheni salynady. Bul týraly búgin Almatyda salynyp jatqan 12 myń oryndyq Muz saraıy, 5 myń oryndyq Atletıkalyq aýyl jáne 3 myń oryndyq Muz arenasynyń bıznes-múmkindigin tanystyrý sharasy barysynda Almaty qalasynyń ákimi Baýyrjan Baıbek málimdedi.
«Qazirgi tańda Alataý aýdanynda 200 myń adam ómir súredi. Al 2020 jylǵa qaraı, munda turǵyndardyń sany 257 myńǵa jetetin bolady. Búginde 12 myń oryndyq Muz saraıyn salyp jatqan «Bazıs-A» qurylys kompanııasy bıznestiń áleýmettik jaýapkershiligi aıasynda osy mańaıda aýdany 150 myń sharshy metr bolatyn jańa turǵyn úı keshenin salýdy josparlap otyr. Bul turǵyn úı kesheniniń árbir sharshy metri - 220 myń teńgege baǵalanyp otyr. ıAǵnı, bul 3-4 sanattaǵy naǵyz qol jetimdi turǵyn úı bolady. Al, Alataý aýdany 2020 jylǵa qaraı Almaty qalasynyń mańyzdy ortalyqtarynyń birine aınalady», - dedi B. Baıbek.
Aıta ketelik, búgingi sharaǵa jergilikti jáne aımaqtyq memlekettik organdardyń basshylary, belgili sport juldyzdary jáne sport, densaýlyq saqtaý, qoǵamdyq tamaqtandyrý jáne saýda salasynda qyzmet atqaratyn bıznes sýbektileriniń jetekshileri qatysyp, sport nysandarynyń áleýetimen tanysty.
