Almatynyń Alataý aýdanyn jaryqtandyrý 2021 jyly 100%-ǵa jetedi
Almatyda aýdan ákimderiniń esep berý kezdesýleri bastaldy. Qaladaǵy kúrdeli sanıtarlyq-epıdemıologııalyq jaǵdaıǵa baılanysty turǵyndar suraqtaryn onlaın rejıminde qoıýǵa múmkindik aldy.
Alataý aýdanyndaǵy mańyzdy máselelerdiń biri – halyqty sapaly aýyz sýmen jáne júıelengen káriz jelilerimen qamtamasyz etý.
«Byltyr «Shapaǵat», «Qarasý», «Alǵabas», «Ójet», «Samǵaý», «Aqbulaq», «Boraldaı» yqshamaýdandarynda jańa jelilerdi salý jumystary bastalǵan bolatyn. Bıyl olardy paıdalanýǵa berý josparda», - dep atap ótti Alataý aýdanynyń ákimi.
Sonymen qatar, bıyl «Áıgerim», «Alǵabas», «Terekti», «Shańyraq-1» yqshamaýdandarynda aýyz sý men káriz jelileri júrgiziledi. Al, «Rahat» pen «Mádenıet» yqshamaýdadarynda ınjenerlik jelilerdi salý úshin jobalyq-smetalyq qujattar ázirlenýde.
2020 jyldyń qorytyndysy boıynsha Alataý aýdanynda kóshelerdiń jaryqtanýy 75%-ǵa jetti. Bıyl taǵy 515 kóshege jaryq ornatylady, jyl sońyna deıin aýdan kósheleriniń jaryqtanýy 100%-ǵa jetedi dep senimmen aıta alamyz», - dedi A. Qaldybekov.
Byltyr Alataý aýdanynyń 8 yqshamaýdanynda jańa jol salyndy, sondaı-aq 8 yqshamaýdanda ortasha jóndeý jumystary júrgizildi.
Bıyl «Shańyraq-5», «Ójet», «Samǵaý» yqshamaýdandarynda jańa joldar salynady, 133 kóshege ortasha jóndeý jumystary júrgiziledi. Osylaısha, Alataý aýdanynyń jolmen qamtylýy 75%-dy quraıtyn bolady», - dep qorytyndylady aýdan ákimi.
Eseptik kezdesý barysynda aýdan ákimi turǵyndardyń aýlalardy abattandyrý, jóndeý, áleýmettik ınfraqurylymdy damytý boıynsha qoıǵan suraqtaryna jaýap berdi. Aýdan turǵyndary óz saýaldaryn «Alataý Kreatıv Habynda», aýdan ákimdigi jáne «Tomırıs» yqshamaýdandaǵy kitaphanada jabdyqtalǵan zým bólmeleri arqyly qoıdy. Esep berý kezdesýi «Almaty» telearnasynda jáne áleýmettik jelilerdiń tikeleı efırde kórsetildi.
