Almatynyń ál-Farabı dańǵylyndaǵy birneshe ýchaskede jol jóndeý aıaqtaldy
Almatynyń ál-Farabı dańǵylyndaǵy joldy jóndeý kezeń-kezeńimen júrip jatyr. 12-13 shilde aralyǵynda Syrǵabekov kóshesinen Esentaı ózenine deıin ishinara jol jabylyp, eki baǵyttaǵy qozǵalysqa shekteý engizildi. Qazirgi tańda ál-Farabı dańǵylynyń ońtústik jaǵyndaǵy Toraıǵyrov kóshesinen Esentaı ózenindegi kópirge deıingi jóndeý jumystary aıaqtaldy, kólik qozǵalysyna ruqsat berildi.
Kelesi kezeńde, ıaǵnı 14-15 shilde Esentaı ózenindegi kópirden Batys Jeltoqsan kóshesine deıingi ýchaskeni jóndeý bastalady. Jol qozǵalysynyń qaýipsizdigin qamtamasyz etý jáne ortasha jóndeý júrgizý kezinde kólik qozǵalysyn arttyrý úshin mynadaı sharalar qabyldanady:
- 14 shildede saǵat 23.00-den 15 shildede saǵat 8:00-ge deıin dańǵyldyń ońtústik jaǵymen tolyq jabylatyn polımerli asfaltbeton jabyndysyn tóseý jumystary júrgiziledi;
- 15 shildede 8:00-den 21:00-ge deıin ál-Farabı dańǵylynyń soltústik jaǵynan Esentaı ózeninen Batys Jeltoqsan kóshesine deıin keri qozǵalys jolymen kólikti júrgizý uıymdastyrylady. Ál-Farabı dańǵylyndaǵy batys jáne shyǵys baǵyttardaǵy qozǵalys jolaqtarynyń sanyn qalyptasqan kólik jaǵdaıynan patrýldik polıtsııa qyzmetkerleri aıqyndaıdy;
- táýliktiń qarańǵy ýaqytynda jol-kólik oqıǵasyn boldyrmaý úshin 14 shildede saǵat 23:00-den 16 shilde 7:00-ge deıin ál-Farabı dańǵylymen shyǵys baǵytta (Esentaı ózenindegi kópirde) kólik qozǵalysy tolyǵymen jabylady.
Jabyq ýchaskelerdi Jarokov kóshesi arqyly soltústik baǵytta aınalyp ótýge bolady. Syrǵabekov kóshesi, Úshkempirov kóshesi, Qapparov kóshesi baǵytynda jáne «Esentai Mall» SOO-da burylmaly týnnel (batysqa qaraı) boıynsha kólik qozǵalysy ashyq bolady.
Kólik qozǵalysynyń qaýipsizdigin qamtamasyz etý úshin patrýldik polıtsııanyń 6 ekıpajy tartylady, 40 km/saǵ jyldamdyqty shekteý belgileri ornatylady, jolaqtar boıynsha bólý konýstyq shaǵylystyratyn chıptermen belgilenedi. Reversti qozǵalysty bastamas buryn eki jaǵynda da kólik aǵyndaryn bóletin metall týrnıketter bolady.
Jóndeý jumystaryn júrgizý ýchaskeleri týraly ózekti aqparat qala ákimdigi men qalalyq mobıldilik basqarmasynyń resmı paraqshalarynan, sonymen qatar, 2GIS qosymshasynan kórýge bolady.
Buǵan deıin habarlanǵanyndaı, megapolıstiń jalpy uzyndyǵy 44 shaqyrym bolatyn (ál-Farabı, Tilendıev, Baızaqov, Abaı, Turǵut Ozal, Saın, Tóle bı, Shalıapın, Manas, Qurmanǵazy, Jumalıev, Shaǵabýtdınov, Dosmuhamedov, Túrkebaev) 15 magıstraldi kóshesinde jol jabynyna ortasha jóndeý jumystary júrgizilip jatyr.
Sondaı-aq, Almaty ákimi Erbolat Dosaev «tozyp úlgermegen bordıýrler qaıta aýystyrylyp jatyr» dep shaǵymdanǵan qala turǵynyna jaýap berdi.