Almatynyń 8 shaǵyn aýdanynda jaıaý júrginshilerge arnalǵan aımaq salynady
ALMATY. QazAqparat - Almatyda Áýezov aýdanynyń ákimi Ánýar Óskenbaev 8 shaǵyn aýdanda salynatyn jaıaý júrginshilerge arnalǵan aımaq týraly aıtty, dep habarlaıdy QazAqparat tilshisi.
Jaıaý júrginshiler aımaǵy Abaı, Shalıapın, Altynsarın kóshelerin biriktiredi.
«Jobaǵa sáıkes, osy aımaqta kespetas tóselip, LED-ekrandar ornatylady. Adamdar oryndyqqa otyryp demala alady. Sonymen qatar, aýmaǵy 97*55 metr bolatyn jasandy ylǵaldandyrý júıesi, gazony bar, júgirý jolymen jabdyqtalǵan fýtbol alańy salynady. Basketbol alańy, ıtterdi serýendetetin eki alań jasalady. 2 aýla abattandyrylyp, 1,2 ga aımaqty kógaldandyrý josparda bar. 210 aǵash otyrǵyzylady», - dedi Ánýar Óskenbaev facebook-tegi paraqshasynda.
Áleýmettik jaýapkershilik aıasynda merdigerlik uıym Saıran kólinen Ótegen batyr kóshesine deıingi ýchaskeni abattandyrýdy óz moınyna aldy.
Altynsarın kóshesiniń Shalıapın kóshesinen Abaı kóshesine deıin aryq jelisi jańartylyp, kári aǵashtardyń ornyna úıeńki, talshyn sııaqty aǵashtar otyrǵyzylady.
