Almatynyń 6 shaǵyn aýdanyna sý jelileri tartylady
ALMATY. QazAqparat- Almaty ákim Baqytjan Saǵyntaev Naýryzbaı aýdanynyń turǵyndarymen kezdesti, dep habarlaıdy QazAqparat tilshisi.
«Búgin Naýryzbaı aýdanynyń turǵyndarymen kezdestim, suraqtar sheshimderin tabýda. Jyldar boıy jınaqtalǵan kúrdeli, problemaly júıeni biz taıaý jyldary «Jańa Almaty» baǵdarlamasy boıynsha sheshetin bolamyz»,- dep jazdy Baqytjan Saǵyntaev óziniń instagram-daǵy paraqshasyna.
Onyń aıtýynsha, qazirdiń ózinde Jaılaý, Quramys, Taýjoly yqshamaýdandarynda sý qubyrlary men káriz jelileri tartylýda. Eki sý toǵany men alty yqshamaýdanda sý jelileri tartylady. Qala balansyna 54 ıesiz qosalqy transformatorlar alyndy, taǵy 100 jumys jasaýda. «Shuǵyla» TK turǵyndarynyń ótinishi boıynsha birinshi kezekte 14 úı abattandyryldy jáne gazben qamtamasyz etildi. Qarasha aıynda atalmysh turǵyn úı kesheniniń 16 úıine gaz berildi.
«Eń bastysy, turǵyndardyń olardy estı alatynymyzǵa jáne ótinishterine der kezinde nazar aýdaratynymyzǵa kózderi jetti. Eger aǵymdaǵy jyldyń 14 tamyzynda 41 suraq qoıylsa, búgin qoıylǵany 123, 50-den astamy jazbasha berildi. Kóptegen suraqtar jedel sheshilýde, qalǵandaryna ýaqyt kerek. «Halyq únine qulaq asatyn memleket» — jumys ústinde: sizder bizge Almatydaǵy ómir súrý sapasyn jaqsartýǵa kómektesýdesizder»,- dedi ákim.
