Almatynyń 30 myńǵa jýyq turǵyny sýdy tasyp ishedi - Memleket basshysy
«Turǵyn-úı kommýnaldyq sharýashylyǵyna basa mán berý qajet. Birqatar aýdanda ortalyqtan beriletin sý joq. Almatynyń 30 myńǵa jýyq turǵyny sýdy tasyp ishedi. Ákimdikke 3 jyldyń ishinde barlyq turǵyndarǵa ortalyqtan sý berýdi tapsyramyn.
Aldaǵy 2 jylda Qarǵaly, Aqsaı ózenderinen sý alatyn 2 iri qurylǵyny iske qosý kerek. Naýryzbaı jáne Alataý aýdandarynda sý jınaıtyn jańa ortalyqtar salý qajet. Bul sharalardyń arqasynda 150 myń adamǵa sý beriledi. Ermensaı jáne Barlyq ózenderinen sý tartý júıesin de iske qosý mańyzdy», - dedi Memleket basshysy.
Q.Toqaev atap ótkendeı, azamattardyń ómir sapasy sýǵa tikeleı baılanysty.
«Sý – tirshilik kózi. Turǵyndardyń ómir sapasy tikeleı sýǵa baılanysty. Sondyqtan, sýmen qamtamasyz etetin jańa jeli salý, eskilerin jańǵyrtý jumysyn basty nazarda ustaý kerek. Men Almatynyń tarıhı ortalyǵynda kommýnaldyq ınfraqurylymnyń tozyp bara jatqanyn aıttym. Ákimdik ondaǵy eskirgen jelini ýaqtyly jańǵyrtyp otyrýy kerek. Mysaly, «Tarıfti ınvestıtsııaǵa aıyrbastaý» baǵdarlamasy bar, sony tıimdi paıdalanǵan jón. Barshańyzǵa belgili, qala halqynyń sany kún ótken saıyn ósip keledi. Sondyqtan, turǵyn-úı qurylysyna aıryqsha mán beriledi», - dedi QR Prezıdenti.