Almatynyń 26 kóshesi jóndeledi
ALMATY. QazAqparat - Almatynyń 26 kóshesine jóndeý jumystary júrgiziledi. Bul týraly qalanyń Mobıldik basqarmasy málim etti, dep habarlaıdy QazAqparat tilshisi.
«Sáýir aıynyń basynan beri 203 kóshedegi 2 myńnan astam oıylǵan shuńqyr joıyldy, 22 myń sharshy metr asfaltbeton jabyndysy tóseledi. 588 qudyq qaqpaǵy qalpyna keltirildi», - dep habarlady qalalyq Mobıldilik basqarmasynan.
Kúndelikti jóndeý jumysyna 400-den astam jumysshy men 155 arnaıy tehnıka jumyldyrylady. Almatynyń 26 kóshesine jóndeý jumystaryn júrgizý josparlanǵan.
Jalpy, Almaty qalasynda kóshe-jol jelisiniń uzyndyǵy 3 096,8 shaqyrym, kóshe sany - 2 746. Onyń ishinde magıstraldy mańyzy bar kóshe sany - 385, olardyń uzyndyǵy 1 150 shaqyrym. Jergilikti mańyzy bar kóshe sany - 2361, olardyń uzyndyǵy 1 946,8 shaqyrym.
