Almatynyń 2018 jylǵy bıýdjetinde ekologııa máselesi basty nazarǵa alynǵan

ALMATY. QazAqparat - Almatyda VI shaqyrylymdaǵy qalalyq máslıhattyń XXV-shi sessııasy barysynda qalanyń 2018 jylǵy  bıýdjeti bekitildi, dep habarlaıdy QazAqparat tilshisi. 

Qalalyq ákimdiktiń baspasóz qyzmetiniń habarlaýynsha, qalanyń 2018 jylǵy bıýdjeti 431,2 mlrd teńge kóleminde bekitilgen.

«2018 jyly áleýmettik-ekonomıkalyq tıimdilik ákeletin ekonomıkalyq sheshimder barynsha nazarǵa alyndy. Bıýdjetke «nólden» saraptama jasalǵan soń, qalanyń basty qarjy qujaty ákimshilik baǵyt boıynsha emes, «Almaty-2020» damý baǵdarlamasynyń basty qaǵıdalary men qalalyqtardyń áleýmettik qajettilikteri negizinde quryldy. Keler jyly «nómiri birinshi baǵyt» retinde kógaldandyrýǵa, abattandyrýǵa, ekologııalyq jaǵdaıdy jaqsartýǵa erekshe mán beriledi, ıaǵnı qalany damytýǵa bıýdjettiń úshten biri jumsalady», - delingen ákimdik habarlamasynda.

Qala ákimdigi Almatynyń búgingi áleýmettik-ekonomıkalyq damýynyń barlyq kórsetkishteri oń dınamıkany kórsetip otyrǵanyn naqtylady.

«Mysaly, qalanyń ekonomıkalyq damý qarqynynyń ósýi 2017 jyldyń birinshi jartyjyldyǵynda 4%-dy, al 11 aı ishinde negizgi kapıtalǵa tartylǵan ınvestıtsııa 15,7%-dy qurady», - delingen habarlamada.