Almatynyń 2017 jyly Jazǵy ýnıversıda oıyndaryn ótkizýge degen talpynysyn Azııalyq stýdentter sporty federatsııasy qoldaıdy - Djang Hıshen
ALMATY. 23 mamyr. QazAqparat /Erlik Erjanuly/ - 2017 jyly Jazǵy ýnıversıada oıyndaryn ótkizýge úmitkerler arasynda Almaty jetekshi ustanymda tur. Bul búgin Almatyda qala ákimi Ahmetjan Esimovtiń Halyqaralyq (FISU) jáne Azııalyq (AUSF) stýdentter sporty federatsııalary Atqarý komıtetiniń delegatsııasymen ótken kelissózderinde málim boldy.
Delegatsııaquramynda Atqarý komıtetiniń QHR, BAÁ, Taıpeı, Gonkong, Mońǵolııa, Sıngapýr, Japonııa, Koreıa, Iran, Taıland elderindegi músheleri boldy. Qazirgi 2017 jylǵy Jazǵy ýnıversıada oıyndaryn ózinde ótkizýge úmitker elderdiń ótinishteri qaralýda. Qazaqstannan oǵan Almaty qalasy ótinish berip otyr.
Onda Azııalyq stýdentter sporty federatsııasynyń prezıdenti Djang Hıshen qazaqtardyń qonaqjaılylyǵy men onyń mádenıetiniń joǵarylyǵyn erekshe atap ótti. Sondaı-aq qala ákimshiligin 7-qysqy Azııa oıyndary men jaqynda ǵana taekvondodan ótken Azııa chempıonatyn sátti ótkizýimen quttyqtap, bul el men qalanyń múmkindigin kórsetýdegi jaqsy tuǵyrnama ekenin aıtty.
"Biz sizderdi 2017 jylǵy Jazǵy ýnıversıada oıyndaryn ótkizýden úmitkerler arasynan kórgenimizge qýanyshtymyz. Almaty qazirgi tańda eń joǵarǵy deńgeıde. Sporttyq nysandardyń sapaly salynýy jáne Azııada men ózge de sporttyq sharalardy ótkizýdegi jetistikterińizdi eskere otyryp biz sizderdiń úmitkerlikterizdi qoldaıtynymyzǵa senimdi bolyńyzdar", - deıdi Djang Hıshen.
«Biz sizdermen bir qurlyqta turmyz jáne onyń damyna úles qosqymyz keledi. Bizdiń memleketimizdiń saıasaty - barlyq elmen belsendi túrde yntymaqtasý. Qazaqstan ekonomıkasy damýda, bul halyqaralyq sharalardy joǵary deńgeıde ótkizýge múmkindik beredi", - dedi Ahmetjan Smaǵululy. Onyń aıtýynsha, Almaty 2017 jylǵy Jazǵy ýnıversıada oıyndaryna qatysatyn bolsa ony joǵary deńgeıde ótkizý úshin bárin jasaýǵa ázir. Qaladaǵy Azııalyq sporttyq nysandar halyqaralyq standarttarǵa saı. Oıyndardy uıymdastyrý Azııa olımpıadalyq komıtetinen joǵary baǵa aldy. Sondaı-aq Qazaqstannyń 2022 jylǵy qysqy Olımpıada oıyndaryn ótkizý bastamasyn Halyqaralyq Olımpıada komıtetiniń tóraǵasy Jak Rogge myrza da qoldap otyr.
