Almatynyń 10 turǵyny alaıaqtyń ústinen shaǵymdanyp otyr
ALMATY. QazAqparat - Almatyda 10-nan astam adamdy aldaǵan degen kúdikpen er adam ustaldy. Medeý aýdandyq ІІB málimetinshe, ol adamdarǵa arzan baǵaǵa jer ýchaskesin alyp beremin dep aldap kelgen.
51 jastaǵy er adamnyń alaıaqtyq áreketine 34 jastaǵy Almaty turǵyny shaǵymdanǵan. Onyń aıtýynsha, 2014 jyldyń tamyzynda kúdikti «arzan jer alyp beremin» dep senimine kirip, 2 mln 184 myń teńgesin qoldy etken.
Qazirdiń ózinde atalǵan azamattyń atyna 10 adam shaǵymdanyp keldi. Sotqa deıingi tergeý isi barysynda japa shekkenderdiń sany odan da artýy ǵajap emes, deıdi polıtseıler. Osyǵan baılanysty quqyq qorǵaýshylar aıyptalyp otyrǵan M.Uzaqov esimdi adamnyń tuzaǵyna túsip qalǵan azamattarǵa 254-48-02, 8702-447-76-81, 8701-624-28-24, 8705-100-77-07 nómirlerine habarlasýyn surap otyr.
