Almatyny jaıly qalaǵa aınaldyrý úshin 15 joba júzege asyrylady
Bul somaǵa qalany abattandyrý boıynsha 15 joba júzege asyrylady. Jańa jobalar 415 adamdy jumyspen qamtymaq.
«Memleket basshysynyń Almatyǵa sapary barysynda bergen tapsyrmalaryn oryndaý men «Almaty-2020» damý baǵdarlamasynyń 7 basym baǵytyn júzege asyrý baǵytynda jergilikti bıýdjetten qosymsha 21 mln teńge qarastyrylyp otyr. Atap aıtqanda, jaıly qala jobasyn júzege asyrýǵa bıyl quny 2,6 mlrd teńge bolatyn 15 jańa joba atqarylady.», - dedi qalalyq Ekonomıka jáne bıýdjettik josparlaý basqarmasynyń basshysy Maqsat Qıqymov.
Onyń aıtýynsha, Alataý aýdanynda 420 ga aýmaqty kógaldandyrý úshin quny 15 mln teńge bolatyn 10 uńǵyma ornatylady. Qazir jumystyń jobalyq-smetalyq qujattamasy ázirlenip jatyr.
Sondaı-aq, Momyshuly boıyndaǵy 12,3 ga jasyl jelekti sýarýǵa quny 313 mln teńge bolatyn sýǵarý qubyry tóseledi. 12 myń orynǵa arnalǵan muz aıdyny arenasy men 7,1 ga bolatyn atletıkalyq qalashyqtyń mańyn kógaldandyrýǵa 112 mln teńge jumsalady.
3 myń oryndyq muz aıdyny arenasynyń mańaıyndaǵy jasyl beldeýdi qalpynda saqtap turý úshin 102 mln teńge jumsalady.
Medeý shatqaly aımaǵyna kóliktiń enýine tyıym salynýyna baılanysty qozǵalystyń jańa kontseptsııasy jasalady. Trotýarlar men avtoturaqtardy, shaǵyn sáýlet formalaryn jasaýǵa 48 mln teńge jumsalady.
Medeý jáne Almaly aýdandarynda 6 jaıaý júrgin aımaǵy jasalady. Tólebaev, Jibek joly, Gogol, Naýryzbaı, Panfılov, Qabanbaı batyr, Astana alańynda boı kóteretin bul alańdarda adamdardyń demalýyna arnalǵan landshaftty kógaldandyrý jasalady. Balalar alańy paıda bolady. Buǵan quny 170 mln teńge bolatyn jobalyq-smetalyq qujattama jasalyp jatyr.
Bostandyq aýdanynda Prezıdent saıabaǵy qaıta qalpyna keltiriledi. Bul baǵytta 20 mln teńge jumsalady.
Dat sáýletshisi ıAn Geıldiń kontseptsııasy boıynsha Esentaı ózeniniń boıymen Tımırıazev kóshesinen Buqar Jyraý kóshesine deıin jaıaý júrgin jolyn jasaý úshin 10,2 mln teńge, Baıseıtova kóshesiniń boıymen Sátpaev kóshesinen Qabanbaı batyr kóshesine deıin 7,2 mln teńge qajet.
Jetisý aýdanynda Esentaı ózeniniń boıyn qaıta qalpyna keltirý úshin jobasynyń alǵashqy kezegin júzege asyrýǵa 780,4 mln teńge jumsalady.
Atap aıtqanda, ózenniń 4,6 shaqyrymdyq jaǵalaýy abattandyrylyp, ózen jaǵasy beton konstrýktsııamen qorshalady. 19 jaıaý júrgin kópiri, 44 qoqys jáshigi, 22 oryndyq qoıylady.
