Almatyny shetelde tanymal etýge bıyl 122,9 mln teńge jumsaldy
ALMATY. QazAqparat - Almatyny shetelde tanymal etýge bıyl 122,9 mln teńge jumsaldy. Bul týraly QazAqparat tilshisine qalalyq Týrızm jáne syrtqy baılanys basqarmasynan habarlady.
Bıyl álemde ótetin iri halyqaralyq sharalarǵa, atap aıtqanda Sıngapýrda ótetin «ITB Asia 2017», Barselonada ótetin «IBTM World 2017», Londondaǵy «WTM 2017» kórmelerine qatysý, Úndistan, Iran, Reseı, Qytaıda roýd shoý kórsetý kózdelgen.
«Almatynyń týrıstik ımıdjin qalyptastyrýǵa, Orta Azııadaǵy tartymdy týrıstik baǵyt retinde tanystyrýǵa 2017 jyly 122,9 mln teńge jumsaldy»,- dedi qalalyq Týrızm basqarmasynan.
Sonymen qatar, Euronews halyqaralyq telekompanııasymen Almaty qalasynyń týrıstik áleýeti týraly beınerolık túsirý jáne rotatsııa týraly kelisimshart jasaldy.
«27-29 maýsymnan bastap «Metropolitans» baǵdarlamasynda «Almaty - the city of thousand colors» rolıgi jaryqqa shyqty. «Focus» baǵdarlamasynda túsirilim jumystary júrgizildi (beınerolık shildeden beri kórsetilip keledi). 6-9 shildeden jarnama beınerolıgi túsirildi (beınerolıktiń rotatsııasy 11 qyrúkıekten 2017 jyldyń sońyna deıin jalǵasady). 19-20 tamyzda Star of Asia festıvali aıasynda Cult baǵdarlamasyna túsirilim jumystary júrgizildi (beınerolık 13 qyrkúıekten trotatsııalanady). 28 qyrkúıek - 3 qazan aralyǵynda Almaty qalasy men oblysynda «Post cards» baǵdarlamasy úshin túsirilim jumystary júrgiziledi (rotatsııa qazannyń ortasynan qarashanyń ortasyna deıin jalǵasady)»,- dedi basqarmadan.
Almaty áýejaıynyń málimetine sáıkes 7 aıda ótken jylmen salystyrǵanda syrttan keletin týrısterdiń sany 22%-ǵa artqan.
Almaty qalalyq statıstıka departamenti osy aralyqta syrttan kelgen týrısterge qyzmet kórsetýge 18%-ǵa artqanyn habarlady.
«18 qazanda Týrıstik aqparattyq ortalyq taratylyp, ornyna «Visit Center» quryldy. Munda týrıster Almatyǵa qatysty barlyq maǵlumatty bile alady», - dedi basqarmadan.
Foto avia-sales.su
