Almatyny kógaldandyrýǵa qala turǵyndary da qatysa alady – Baqytjan Saǵyntaev
ALMATY. QazAqparat – Almatyda qazan aıynda kúzgi otyrǵyzý bastalady, oǵan qala turǵyndary qatysa alady. Bul týraly qala ákimi Baqytjan Saǵyntaev «Almaty» telearnasyndaǵy Akimat Live baǵdarlamasynyń tikeleı efırinde aıtty, dep habarlaıdy QazAqparat tilshisi.
Baqytjan Ábdiruly qala turǵyndarynyń suraqtaryna jaýap bere otyryp, aýlalardy abattandyrý boıynsha baıqaý jalǵasatynyn aıtty.
«Jasyl Almaty baǵdarlamasy aıasynda kóktemde 64 594 kóshet otyrǵyzyldy. Kúzde 285 myńnan astam kóshet otyrǵyzý josparlanǵan. Jumys qazan aıynda qalanyń barlyq aýdandarynda bastalady. Qazaq teregi, kúl, kúmis bulan, Norvegııa úıeńkisi, dolana, sondaı-aq alma men órik sııaqty jemis aǵashtarynyń kóshetteri daıyndaldy»,- dedi B.Saǵyntaev.
Sondaı-aq, «Jasyl aýla» aktsııasy aıasynda turǵyndarǵa aýlalaryn kógaldandyrý úshin kóshetter taratylady.
Aıta keterligi, aýlany kóriktendirý jónindegi baıqaý keler jyly da jalǵasady. Oǵan zańdy tulǵalar da qosylyp, aýmaqty kógaldandyrý boıynsha baıqaýǵa qatysa alady.
