Almatyny qar basty
ALMATY. QazAqparat – Almatyda túnimen qar jaýdy. Tazalaý jumysyna arnaıy tehnıka jumyldyryldy, dep habarlaıdy QazAqparat tilshisi.
Qala ishinde – 2 sm, taý bókterindegi aýdandarda – 10 sm, taýly aýdandarda – 15 sm qar jaýdy.
Almatyda 22 naýryzda jańbyr jaýyp, onyń sońy qarǵa aınaldy.
Joldarǵa, qıylystarǵa kóktaıǵaqqa qarsy 376 tonna materıal sebilip, qar shyǵaryldy.
Kommýnaldyq qyzmetter trotýarlardy, jaıaý júrginshiler aımaqtaryn, qoǵamdyq kólik aıaldamalaryn, jalpy paıdalaný oryndaryn kúsheıtilgen rejımde tazalap jatyr.
Qalanyń joǵarǵy bóliginde qar kúrelý ústinde.
987 jol jumysshysy, 412 arnaıy tehnıka, 111 qumshashqysh tehnıka jumyldyrylǵan.
Aýdandyq ákimdikter men merdiger uıymdarda qar tazalaý jumystaryn baqylaý boıynsha táýlik boıy kezekshilik uıymdastyryldy.
«Qazgıdromettiń» boljamyna sáıkes, jaýyn-shashyn búgin kúndiz de jalǵasady, keı ýaqytta qatty, negizinen qar túrinde jaýady, túnde qalypty qar jaýady.
Aýa temperatýrasy kúndiz 0-den 2 gradýsqa deıin plıýs, túnde 1-den 3 gradýsqa deıin mınýs bolady.
24 naýryzda kúndiz, sondaı-aq 25 jáne 26 naýryzda jaýyn-shashyn kútilmeıdi.
