Almatyny dezınfektsııalaý, patrýldeýge tartylǵan 2 myńdaı áskerı ekpress test tapsyrdy

ALMATY. QazAqparat - Almaty garnızonynyń 2000-ǵa jýyq áskerı qyzmetshisi PTR test pen koronavırýs ınfektsııasyna shuǵyl testileýden ótti, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Áskerıler dezınfektsııalyq jumystarǵa, tosqaýyl beketterinde kezekshilik atqarýǵa, sondaı-aq patrýldeýge tartylǵan. Səýir aıynyń sońyna deıin garnızonda taǵy 1 500 əskerı qyzmetshi analız tapsyrady.

Koronavırýsty anyqtaıtyn PTR test (polımerazdy tizbekti reaktsııa ádisi) murynnyń shyryshty qabatynan alynǵan jaǵyndy negizinde jasalady. Alynǵannan keıin nátıje DNQ jáne RNQ koronavırýs bolýyna baılanysty anyqtalady. Sondaı-aq, ol vırýs juqtyrǵannan keıin anyqtalady. Ekspress test ádisimen tekserý úshin saýsaqtan qan alynady, ol koronavırýsqa antıdene bar-joqtyǵy zertteledi.

Áskerı dárigerlerdiń aıtýynsha, ekspress test ınkýbatsııalyq kezeń kezinde vırýstyń bar ekendigin kórsetpeıdi, al oń nátıje bolǵan jaǵdaıda qosymsha tekserý talap etiledi.

Almaty garnızonynyń áskerı qyzmetshileri tótenshe jaǵdaı jáne karantın rejımin qamtamasyz etý boıynsha is-sharalarǵa belsendi qatysady. Áskerı qyzmetshiler Almatyny patrýldeýdi jalǵastyrýda, sondaı-aq polıtsııa jáne Ulttyq gvardııa ókilderimen birlesip kún saıyn qalanyń kirý jáne shyǵý baǵyttary boıynsha tosqaýyl beketterde qyzmet atqarady.