«Almatymetroqurylys» kompanııasynyń 60,72% aktsııasy satyldy
ASTANA. QazAqparat - Astanada elektrondy saýda-sattyqta «Almatymetroqurylys» kompanııasy aktsııalarynyń baqylaý paketi 1,42 mlrd teńgege satyldy, dep habarlaıdy «QazAqparat» HAA tilshisi.
QR Qarjy mınıstrligi Memlekettik menshik jáne jekeshelendirý komıtetiniń Memlekettik múlik tiziliminiń veb-portalynda «Almatymetroqurylys» kompanııasynyń 60,72% aktsııasyn satý boıynsha saýda ótti.
Onyń satýshysy - «Almaty qalasy qarjy basqarmasy». Saýdany júrgizý formasy - baǵanyń ósimine aýktsıon uıymdastyrý. Oǵan sáıkes bastapqy baǵa burynnan belgilengen kezeń boıynsha artyp otyrady da, eń joǵarǵy baǵany usynǵan tulǵa jeńimpaz atanady.
Saýdaǵa qatysý úshin kepildik jarna 68 070 000 teńgeni qurady, sonymen qatar bastapqy baǵa 2 633 258 000 teńge mólsherinde belgilendi. Saýda qorytyndylaryna oraı «Almatymetroqurylys» kompanııasy aktsııalarynyń baqylaý paketi 1 422 907 523,71 teńgege satyldy.
Aktıvti satyp alǵan tulǵa jaıynda málimet jarııalanǵan joq.
