«Almatymetroqurylys» basshysy nelikten bosatyldy - Mınıstr jaýap berdi
NUR-SULTAN. QazAqparat - «Almatymetroqurylys» AQ dırektorlar keńesi tóraǵasy Qaırat Reıimov 25 mln teńge kepil qarajat tólep, tutqynnan bosap shyqty. Bul týraly Úkimet otyrysynan keıin QR Іshki ister mınıstri Erlan Turǵymbaev aıtty, dep habarlaıdy QazAqparat tilshisi.
«Sot sheshimi boldy. Tutqynda ustaý 25 mln teńge kepil qarajatty aıqyndaý arqyly sanktsııalandy. Sondyqtan protsedýralyq máseleler bar. Qorǵaýshy tarap jyljymaıtyn múlik qujatyn usynyp, ol baǵalandy. Osy protsedýralardan keıin ol kepilmen bosatyldy», - dedi mınıstr.
Aıta keteıik, buǵan deıin birqatar BAQ ókilderi «Almatymetroqurylys» dırektorlar keńesiniń tóraǵasy Qaırat Reıimovtiń iri kólemde alaıaqtyq jasady degen kúdikpen ustalǵanyn habarlaǵan edi.
