«Almatymetroqurylys» AQ burynǵy basshylary 350 mln teńge salyq tóleýden jaltarǵan
Bul týraly Almaty qalalyq Ekonomıkalyq zertteýler departamentiniń basshysy Aqylbekov Dáýlet málim etti.
«Almatyda salyq tóleýden jaltarǵan zańdy tulǵalar arasynda birneshe qylmys tirkeldi. Olardyń biri «Almatymetroqurylys» AQ burynǵy basshylary Marat Ýkshebaev pen Nurlan Sembıevke sotqa deıingi qatysty tergeý amaldary jaqynda aıaqtaldy. Bul tulǵalar barlyǵy 350 mln teńge bolatyn salyq nemese basqa da mindetti tólemder jasaýdan bas tartqan. 19 maýsymda bul azamattarǵa qatysty qylmystyq óndiris toqtatyldy. Sebebi, olar barlyq shyǵyndy ótedi», - dedi Dáýlet Aqylbekov.
Departament basshysynyń málimdeýinshe, zańdy tulǵalardy salyqtyq tólemderden jeńildetý maqsatynda jalǵan schet faktýra jazý beleń alyp ketken.
Almatyda sońǵy jyldarmen salystyrǵanda zańdy tulǵalar arasynda aınalatyn aqsha aınalymy joǵary.
«2018 jylmen salystyrǵanda aqsha aınalymy 53%-ǵa ósti. Byltyr 155 mlrd teńge bolsa, bıyl 237 mlrd teńgege jetti. Bıyldyń ózinde jalǵan schet faktýra jazý boıynsha 14 qylmystyq is tirkeldi», - dedi Dáýlet Aqylbekov.