«Almatym júregimde» án baıqaýynyń Bas júldesin «Aıala» dýeti jeńip aldy

Olar «Stars KZ» tobymen Sıvı Mahmýdıdiń «Almaty» ánin oryndady. Almaty qalasynyń ákimi Ahmetjan Esimov jeńimpazdarǵa bas júlde - «Mitsubishi Outlander» kóliginiń kiltin tabystady.

Bunymen qatar, 1,2,3-shi oryndardyń jeńimpazdary anyqtaldy. Birinshi oryndy RIME toby, ekinshi oryndy Álı Oqapov, úshinshi oryndy Sabınýr atpen belgili ánshi ıelendi. Jeńimpazdardyń barlyǵy arnaıy syılyqtarmen marapattaldy.

Qala ákimi «Almatym júregimde» án baıqaýyna qatysýshylardyń barlyǵyn jańa ánderimen quttyqtap, Almaty týraly jańa ánderdi únemi radıo men televıdenıe arqyly nasıhattaý qajettigin, bul ánderdi tek almatylyqtar ǵana emes barsha qazaqstandyqtar da súısine tyńdaýy tıis ekendigin atap ótti.

Óz kezeginde jas ánshiler mundaı sharanyń jas avtorlarǵa jáne mýzykanttarǵa shabyt beretindigin aıtty.

QR Birinshi Prezıdenti atyndaǵy saıabaqta ótken sharaǵa 15 myńnan astam almatylyqtar men qala qonaqtary qatysty.

Osymen úshinshi ret ótkizilip otyrǵan «Almatym júregimde» atty án baıqaýy qalalyqtar úshin shynaıy merekege aınaldy. Kórermender jas kompozıtorlarmen, án mátinin jazýshy aqyndarmen, sonymen qatar, jas ánshi-juldyzdarmen tanysty.