«Almatym júregimde» án baıqaýynda Rústem Nurjigit bas júldeni jeńip aldy
ALMATY. Qyrkúıektiń 20-sy. QazAqparat /Ádilet Musahaev/ - Qala kúni merekesine oraı ótken «Almatym júregimde» án baıqaýynda Áset Beıseýov pen Tumanbaı Moldaǵalıevtiń «Almatym dep án salam» ánin oryndaǵan Rústem Nurjigit bas júldeni jeńip alyp, «Mitsubishi outlander» avtokóligin ıelendi,
dep habarlaıdy QazAqparat.
Qala ákimi Ahmetjan Esimov festıvalǵa qatysýshylardyń shyǵarmashylyǵy úshin alǵysyn bildirdi. "Almaty elimizdiń mádenı, bilim berý, ǵylymı, qarjy ortalyǵy bolǵan jáne solaı bolyp qala bermek. Munda eń daryndy mýzykanttar men artıster turady. Osy qalany jaqsy kóretindikterińiz úshin alǵysymdy bildirgim keledi", dep atap ótti qala ákimi.
Baıqaý qorytyndysy boıynsha birinshi oryndy «Almaty» ánimen «Mısterıons» toby alsa, «Arnaý» dýeti Arman Dúısenov pen Serik Seıtimannyń «Almatym - baqytym» ánin oryndap ekinshi oryndy ıelendi.
