Almatylyqtyń júrgizýshi kýáligin «satyp alý» oqıǵasyna qatysty polıtseıler tekserile bastady
ALMATY. QazAqparat - Almatylyq A.Fazylovanyń júrgizýshi kýáligin «satyp alý» oqıǵasynan keıin «qyzmet babyn asyra paıdalaný» faktisi boıynsha polıtseıler arasynda tekserý jumystary júrgizilip jatyr, dep habarlaıdy QazAqparat tilshisi Almaty oblysy prokýratýrasynyń baspasóz qyzmetine silteme jasaı otyryp.
«Atalǵan fakt boıynsha Almaty oblysy ІІD-niń Jeke qaýipsizdik basqarmasynyń 2017 jyldyń 17 naýryzdaǵy tekseris qorytyndysy boıynsha, QR QK-niń 362-baby 1-bóligi boıynsha sotqa deıingi tergeý amaldary bastaldy», - dep habarlady prokýratýradan.
Eske sala keteıik, 20 jastaǵy almatylyq qyz Instagram áleýmettik jelesindegi jeke paraqshasynda ákesi oǵan júrgizýshi kýáligin satyp alyp bergenin jazǵan bolatyn. Osy oqıǵadan keıin tekseris bastalǵan. Alaıda, qyzdyń eki jyldyq oqý kýrsynan ótip, júrgizýshi kýáligin ekinshi ret test synaǵyn tapsyryp baryp alǵany belgili boldy.
