Almatylyqtarǵa jylý júıesin jóndeý kezindegi erejeler eskertildi

ALMATY. QazAqparat - Almatyda 18-27 maýsym aralyǵynda qubyr jelileri jóndeledi. Osyǵan oraı «Almaty jylý júıesi» JShS turǵyndarǵa qaýipsizdik erejelerin saqtaýdy eskertedi, dep habarlaıdy QazAqparat tilshisi.

Kúntizbege sáıkes 18 maýsym saǵat 4-ten 19 maýsym 8-ge deıin Abylaı han - Bógenbaı batyr - Muratbaev - Maqataev - Seıfýllın - Tobaıaqov - Nazarbaev - Mámetova - Ýálıhanov - Áıteke bı kóshelerinde jylý júıeleriniń gıdravlıkalyq synaqtary ótedi.
Sondaı-aq, 20 maýsym kúni saǵat 4-ten 22 maýsym saǵat 8-ge deıin Áıteke bı - Panfılova - Esentaı ózeni - Jeltoqsan - Tımırıazev - Qazybek bı - Baıtursynov kóshelerinde, 22 maýsym saǵat 4-ten 25 maýsym saǵat 8-ge deıin Gogol - Kýrganskıı - Satpaev - Chaıkovskıı - Panfılova - Lýganskıı kóshelerinde, 25 maýsym saǵat 4-ten 27 maýsym saǵat 8-ge deıin Seıfýllın - Rysqulov - Jangeldın - Raıymbek - Kýratov - Gogol kóshelerinde qubyr jelileri jóndeledi.
«Oqys jaǵdaı bola qalǵan jaǵdaıda óz betińizshe áreket jasamaı turyp, 378-06-65 nómirine habar berińizder. Jumys barysy týraly qosymsha aqparattar alts.kz saıtynda jarııalanady. Almaty jylý kesheniniń aldaǵy maýsymǵa daıyndyǵyn tekserý maqsatynda synaq júrgizemiz. Alaıda atalǵan aımaq turǵyndaryna ystyq berý toqtatylmaıdy», delingen habarlamada.